1. Засгийн эрхийг явуулах бүх шатны байгууллага; захирах газар - Нөгөө талаар нэгдлийн захиргаа, залуу малчдаа ингэж харилцан суралцуулж байв. Б.Бааст. Алтайн хөх дөнөн., захиргааны зардал (захиргааны төсөв мөнгө), нэгдлийн захиргаа (нэгдлийн удирдлага)., засаг захиргаа [хоршоо] (удирдлага);

---

2. Дүрэм журам сахих чадвар, сахилга: захиргааны арга (төрийн захиргааны байгууллага доод газар, албан тушаалтан, иргэдийн үүргийг тогтоож захирамжлах аргаар тэдгээрийн үйл ажиллагаа, зан төлөвт нөлөөлөх арга хэрэгсэл), захиргааны зөрчил (хууль болон актаар тогтоогдсон эрх зүйн хэм хэмжээг гажуудуулах үзэгдэл), захиргааны хариуцлага (захиргааны зөрчил гаргасан гэм буруутай этгээдэд эрх бүхий байгууллага, албан тушаалтнаас хүлээлгэх хууль зүйн хариуцлага).