Албан газар, хүмүүсийн хоорондын харилцааны бичиг захиа: албан захидал (албан ёсоор харилцсан бичиг), хувийн захидал (амин хувийн сэдэв хөндсөн захиа), ил захидал (үг захиа бичиж, дугтуйгүй илгээж болох, зураг чимэглэл бүхий хуудас), захидал харилцааны нууц (бие хүний хувийн халдашгүй эрхийн нэг төрөл зүйл), захидал явуулах (шуудангаар болон хувь хүнээр захидал илгээх), захидлын хайрцаг (а. Шуудангийн байгууллагаас сонин хэвлэл захиалагчдад зохих төлбөрийг авч хэрэглүүлдэг хайрцаг; б. Ирсэн захидал, сонин хэвлэлийг нь хийхэд зориулж айл гэрийн хаалганы гадна талд байрлуулсан бяцхан төмөр хайрцаг) - Шуудангаар илгээсэн шинэхэн захидлыг чинь, сэтгэл догдлон уншиж байна. Л.Дагвадорж. Цэрэг эрийн гэргийн дуу., захидал бичиг [хоршоо] (бичгээр харилцах захиа) - Эмээгийн амар тунгалагийг асуухад Төгсцогт яаран үглэн, Үжинийг захидал бичигт ба Цэцэн хатны гэрийн идэшний зүйлийг өргөн барив. В.Инжаннаши. Хөх судар.