1. Хүмүүсийн хоорондоо харилцан илгээх бичиг; захидал: захиа авах (захидал хүлээн авах), захиа бичих (захидал бичих), захиа явуулах (захидал явуулах), захиа бичиг [хоршоо] (захидал) - Төдий элч эгж довтлон, Лүвэ Зи Ченд хүрч, захиа бичиг ба шан хишгийг өгсөн... В.Инжаннаши. Хөх судар., захиа даалгавар [хоршоо] (а. Нийгмийн олон салбарын асуудлыг шийдэх, шийдвэрлүүлэх зорилгоор удирдах дээд байгууллага албан тушаалтнаас аж ахуйн нэгж, байгууллага, ард иргэдэд тодорхой хугацааны дотор гүйцэтгүүлэхээр захидал цахилгаанаар илгээсэн тоот; б. Захиас) - Та бүгдийн захиа даалгавар ч тийм байгаа гэж боддог. Ж.Пүрэв. Гурван зангилаа., захиа занаа [хоршоо] (захидал, хэлүүлсэн үг захиас), захиа зарлиг [хоршоо] (тушаал даалгавар) - Захиа зарлигаас зөрчөөс энгийн ялд адил нэгэн биеийг алах бус, эм үр, эцэг эх, ах дүү цөм үхэх болой. В.Инжаннаши. Хөх судар., захиа захидал ~ захидал захиа [хоршоо] (харилцах бичиг), бичиг захиа [хоршоо] (бусдад илгээн явуулах, дамжуулан өгөх бичиг) - Би чамд өдрийн нэг захиа бичүүлж байна. П.Лувсанцэрэн. Хөдөөгийн дуун;

---

2. Бусдаар хэл явуулсан үг: хэл захиа [хоршоо] (занаа);

---

3. Хүндэтгэвэл зохих хүний хэлсэн үг сургаал: захиа зарлиг (бусдаар дамжуулсан зарлиг), захиа лүндэн (сургаал зарлиг), үг захиа [хоршоо] (үлдээсэн үг, захиж сургасан үг);

---

4. Захисан захиалсан юм: захиа хоол (захиалсан хоол), захиа хувцас (захиалгын хоол), захиа тасаг (захиалга хүлээн авдаг тасаг) - Энэ нь цэргийн гар үйлдвэрийн захиа тасаг гэнэ. Д.Дожоодорж. Зүүний сүвэгч;

---

5. [хуучирсан] Бусдад олгох зөвшөөрөл: дотогш нэвтрэх захиа (дотогш нэвтрэх зөвшөөрөл).