Халуун оронд ургадаг, зууван навчтай, анхилам үнэрт, хатуу чанарын мод - Найгалзан ганхагч зандан мод навчлах тусмаа зохистой. Д.Равжаа. Зохиолын эмхэтгэл., зандан ташуур (зандан модоор хийсэн ташуур), зандан шатар (зандангаар хийсэн шатар), зандан ширээ (зандан модон ширээ), могойн зүрхэн зандан [ургамал] (харавтар улаан өнгөтэй, сайхан үнэртэй нэг зүйл зандан), улаан зандан [ургамал] (улаан өнгийн зандан мод), хүрэн зандан [ургамал] (хүрэн өнгийн зандан мод), цагаан зандан [ургамал] (цагаан өнгийн зандан мод), шар зандан [ургамал] (цувран ургадаг сондгой өдлөг нийлмэл навчтай тураг мод; шоргор баг цэцэг нь эрвээхий мэт дэлгэрч, зууван буурцаг жимс сууна), зандан гүгэл [хоршоо] (анхилам үнэртэн) - Жавар салхинд зуун зүйл найралдан, зандан гүгэлийн сайхан үнэр хамарт үнэртэж, зүрх элгэнд нь нэвтэрч, сац хэвлийн эвдэн үүсгэвэй. В.Инжаннаши. Хөх судар., *залуу зандан нас (залуу идэр нас), зандан мод муруй ургахаар хугарсан нь дээр, залуу хүн гаж явахаар үхсэн нь дээр [зүйр цэцэн үг] (нэр нүүрээ барах хэцүү гэсэн санаа).