1. Уяа, утас, дээсний үзүүрийг залгаж уях, зангиаслах: утас зангидах (утасны үзүүрийг зөрүүлэн чангалах), ороох зангидах [хоршоо] (ямар нэг зүйлийг тойруулан боож үхлүүт уях);

---

2. Хазаар, ногт, чөдөр, товч зэрэг зүйлийг хийх - Нэгдлийнхээ туслах үйлдвэрлэлийн нөхөдтэй ярьж хөөрч байгаад чөдөр тушаа зангидах ажил хийхээр шийдсэн билээ. Д.Цэдэв. Айргийн амт., аман хүзүү зангидах (нэг зүйл уяа), хазаар зангидах (хазаарын гавал хийх), ногт зангидах (ногт хийх), товх зангидах (зангидмал товч хийх), товч зангидах (бөөрөнхийлсэн нарийн бөсийг зангидан товч хийх);

---

3. Мод зэргийг өөр хооронд бэхлэх: яс мод зангидах (яс модыг зөрүүлдэн углуургадаж босгох) - Яс модоо зангидах гэж бүтэн долоо хоног мунгиналаа. Б.Нямаа. Арандалынхан;

---

4. [шилжсэн] Боох, ороох - Толгойд нь цагаан алчуур зангидах болсон юм гэнэ лээ. Л.Түдэв. Алтан гадас зүг чигийг заана;

---

5. [шилжсэн] Атируулах, үрчийлгэх, хумих атгах: гараа зангидах (гараа чангаар атгах), хөмсөг зангидах (хөмсөг нумруулах) - Хөмсгөө зангидан суух нь түүний төрөлхийн төвшин царай ямар нэгэн бодол шаналлаар хувьссан бололтой байв. П.Хорлоо. Багш., шазуур зангидах (шазуур зуух);

---

6. [шилжсэн] Бөөн болгож хуралдуулах, бөөгнөрүүлэх, төвлөрүүлэх: бүх хүчээ зангидах (бүх хүчээ хуримтлуулах, бүх хүчээ хураах), өшөө хорсол зангидах (өшөө хорсол үүсгэх) - Элэг зүрхээ зангидан нэгтгэнэ. Ч.Чимид. Түүвэр зохиол.