1. Манжийн төрөөс Монголд суулгаж байсан төлөөний сайд, элчин сайд - Би ч жууз тэргээр аялдаг гэж амбан хэлэв. С.Удвал. Их хувь заяа., амбан ноён (амбан сайд), амбан сайд (төлөөний сайд), Улиастайн амбан (Улиастайд суух манжийн төлөөний сайд), хүрээний амбан (нийслэл Хүрээнээ суух манж сайд), амбан ноён гал тавьж болохоос биш ард олон дэн асааж болохгүй [зүйр цэцэн үг] (манжийн хаад ноёдын эрх мэдэл жирийн ардынхаас хэт их, дээгүүр гэсэн санаа);

---

2. Эзэн гүрнээс колони хараат орон, муж улсад суулгасан захирагч: амбан захирагч [хоршоо] (эзэн гүрний төлөөний захирагч) - Их Британийн хатан хааны томилсон амбан захирагч ирэв. “Үнэн”сонин., *амбан явахгүй (юу ч бүтэхгүй гэсэн санаа), амбан явж, гамбир хайрахгүй (юу ч бүтэхгүй, юу ч үгүй хоцрох гэсэн санаа), амбасын үеийн юм (их дээр үеийн юм).