1. Залгах, холбох үйлийг бусдаар хийлгэх: залгуулж оёулах (нийлүүлж угсруулах), уурга залгуулах (уурганд залгаа хийх), холбоогоор залгуулж ярих (холбоогоор ярих хүнтэйгээ шууд холбогдож ярих), хэл залгуулах (а. Хэл сураг дуулгах, мэдээ хүргэх; б. Орчуулах, хэлмэрчлэх - Тэр үдэш Феодор Осокин, Батбаяр, эрдэмтэн хоёрын хэл залгуулах гэж бас нэлээд зүдэрчээ. Б.Ринчен. Үүрийн туяа);

---

2. Тасалдсан явдал, дутагдсан зүйлийг нөхвөрлөх ажлыг хийх: алба залгуулах (алба гүйцэлдүүлэх), хоол унд залгуулах (хоол унданд хүргэх) - Хоол унд залгуулах хүнд ажил гарч ирсэн юм. Н.Батбаяр. Өндөрт хатгасан туг., түлээ түлш залгуулах (түлээ түлштэй болгох), хөл залгуулах (унаш өгөх, унаатай болгох) - Над хөл залгуулж өгсөн тэр хүн та нарыг таньдаг бололтой. Ч.Лодойдамба. Тунгалаг Тамир., шатахуун залгуулах (а. Очих газраа хүртэл хүрэлцэх шатахуунтай болгох; б. Шатахуунгүй газар шатахуун хүргэж өгөх).