1. Хоёр юмыг нийлүүлэх, холбож нэгтгэх: дээс залгах (дээс холбох), зах залгах (зах нийлүүлж оёх) - Энгүй торгыг хайчилж энгэр захыг залгах. Ж.Дашдорж. Цэцэн үгийн далай ., утас залгах (утас холбох);

---

2. Хоёр юмны уулзвар нийлэх: хил залгах (хөрш зэргэлдээ орших);

---

3. Нэг үйл явдлын дараа нөгөө нь үргэлжлэх - Өвлийн дараа хавар залгаж дэлгэр зуны сарууд гарлаа. С.Эрдэнэ. Малын хөлийн тоос;

---

4. Тасалдаж дутагдсан зүйлийг нөхөн олох, гүйцээх: гал залгах (гал асаах юмтай болох), өл залгах (а. Идэш хоол дуусахын даваан дээр хоолтой болох; б. Өлсгөлөн байх үедээ бага зэрэг юм идэж уух, өл дарах; в. Хүнсээ ихэд арвилж амь зуух), түлээ залгах (түлээ түлштэй болох), хөл залгах (аян замд уналга унаштай болох) - Би юу ч гэсэн хөл залгах унаатай шүү. Д.Гармаа. Цагаан булаг., шатахуун залгах (а. Шатахуун олж авах; б. Хүрэх газраа очихуйц шатахуунтай болох);

---

5. Завсарлаж зогссон юм дахин үргэлжлэх - Зүйтэй гэж Сүхбаатар залган хэлээд аливаа цэргийн хүн буу зэвсгээ амь мэт хайрладаг гэв. Д.Гонгор нар. Д.Сүхбаатарын тухай дуртгалууд., залгаж бичих (угсруулж бичих), залгаж хуралдах (үргэлжлүүлж хуралдах), залгаж хэлэх (цааш нь дахин хэлэх);

---

6. Ор суурь эзлэх: голомт залгах (үе уламжлах) - Голомт залгах үр үндэстэй, улс орондоо бүтээсэн ажилтай. С.Эрдэнэ. Дөрвийн бодол., зэрэг залгах (зэрэг өвлөн авах) - Бадаргуулт төрийн үед Ма ван нас барж манай энэ Илдэн ван зэрэг залгах болжээ. С.Дашдэндэв. Улаан наран., үндэс залгах (удам залгах үр хүүхэдтэй болох), хэргэм залгах (хэргэмтний ор эзлэх);

---

7. Ажил үйлсийг уламжлах, залгамжлах: ажил үйлсийг залгах (ажил үйлсийг үргэлжлүүлэх), мэргэжлийг залгах (мэргэжлийг өвлөн уламжлах) - Аавынхаа үйлсийг залган дутуу орхисныг гүйцээж нэрийг нь гаргая гэж бодсон юм даа. С.Лочин. Сэтгэлийн өнгө;

---

8. Эх биед нь угсрах: ханцуй залгах (ханцуй сунгаж оёх).