1. Ус, шингэн эм балгаж амаа ариутгах: ам зайлах (шингэн зүйлээр амаа ариутган цэвэрлэх), эмээр зайлах (эм бүхий шингэн балган булхаж цэвэрлэх) - Ам зайлах ус олдолгүй. Жангар;
2. Сав суулганд цэвэр ус хийж хөдөлгөх, займруулан цэвэрлэх:
сав зайлах (сав усаар займруулан цэвэрлэх),
хир буртгийг угааж зайлах (хир буртгийг угааж сэгсэрхийлэн цэвэрлэх);
3. Шингэн зүйлийг сэгсрэн хөдөлгөх; найруулах:
савтай нь зайлах (савтай нь сэгсэрч найруулах);
4. Зэс гуулин савны дотор талыг цагаан тугалга хайлуулан өнгөлөх, энэ аргаар бусад сав суулга мэтэд өнгөр тогтоох:
тосоор зайлах (тосоор өнгөлөх),
тугалгаар зайлах (хайлмал тугалгаар хөлбөрүүлэн бүрэх);
5. Угаасан хувцсыг цэвэр усанд булхаж хөөсийг нь арилгах:
угааж зайлах (усанд булхан угааж цэвэрлэх);
6. Бие ширүүн хөдлөх, морь унаанд сэгрэгдэх зэргээс болж гэдэс эвгүй болох:
бие зайлах (бие агсгагдах),
гэдэс зайлах (гэдэс дотор доргин эвгүйрэх).