Тухайн үйлийн эрч хүчтэйг илтгэх үг: зад авах (а. Бут цохих, хэмх үсэргэх; б. [шилжсэн] Архи их хэмжээгээр ууж согтох, наргих), зад маргах (ширүүн маргах, ана мана маргах) - Тэд бидний ядуу ардыг шулж мөлжсөн баялаг байгаа юм гэж Ванчигтай зад маргамаар санагдав. Ц.Уламбаяр. Зовлон жаргал., зад мушгих (тасартал мушгих, ханзартал мушгих), зад татах (дэлбэ татах), зад үсрэх (тал тал тийшээ тарах, хэмх үсрэх) - Авдар нь үдээсээрээ зад үсрэв. С.Дашдооров. Айлын хүүхэн Алигэрмаа., зад цохих (хэмх цохих).