1. Тэнгэрийн байдал гэнэт хувирах үзэгдэл: задын үүл (тэнгэрийн байдал хувирах үеийн үүл), шувуун зад (нүүдлийн шувууд буцах үеэр тэнгэр эвгүйрхэх, хур бороо орох);
2. Гурвалжин хэлбэр дүрстэй, цахиурлаг чулуу, ардын зан заншилд цас шамарга үүсгэх, хур бороо оруулах увдис юмуу, тийм увдист тусалдаг гэж үздэг:
зад барих (увдисаар бороо хур урин буулгах),
зад өвс [ургамал] (уулархаг газар ургадаг эмийн өвс; хүн, амьтны бэртэл, шархыг анагаахад хэрэглэдэг),
зад урих [хуучирсан] (тэнгэр задрааж, хур бороо оруулах, цас шамарга дэгдээх зорилгоор хийдэг монголчуудын өвөрмөц зан үйл),
задын арга (хур бороо, цас шамарга оруулах увдис эрдэм) -
Мөн Буйраг хан, Хутуг хоёр задын аргыг мэдэх ажээ. Монголын нууц товчоо., задын чулуу (а. Шинэ чулуун зэвсгийн үлдэц; б. Үхрийн гиваан, үхрийн цөсөнд байдаг чулуужмал зүйл; в. Хур бороо оруулах зэрэгт хэрэглэх увдис бүхий чулуу; тэнгэрийн чулуу) -
Задын хар чулуугаа өвөрлөж, шатсан түймрийг нь унтрааж аргын алтан цалмаараа сумыг нь арай гэж тогтоожээ. Халх ардын тууль;
3. Монгол ардын уламжлалт оньсон наадгай; гадаад хэлбэр нь задын чулуутай адил.