Дээл, хувцасны энгэр харааны уулзар, хоолойн товч торгох газраас дооших хэсэг газар: дээлийн заам (дээлийн зах хоолой, энгэрийн товч хавь газар), цамцны заам (цамцны хоолой хавь), зах заам [хоршоо] (дээл хувцасны зах хоолой), энгэр заам [хоршоо] (дээл хувцасны энгэр харааны уулзар) - Хүүгээ дөнгөж саяхан хөхүүлснээс энгэр заам нь задгай харагдах ажээ. Д.Цэдэв. Айргийн амт., энгэр заамаа ярах (а. Халууцсанаас болж, дээл хувцасны энгэр, хоолойг задгайлах; б. [шилжсэн] Дээл хувцсаа журамгүй өмсөх, танхай байдал гаргах), заам авах (дээлийн нь заамнаас барьж авах), заамаа авалцах (нэг нэгнийхээ заамнаас барилцаж авах), заам заамаа уралцах [шилжсэн] (хэрүүл зодоон хийх).