1. Хууль тогтоомжийг үндэслэн, түүнийг биелүүлэх үндсэн дээр эрх бүхий байгууллагаас эрх хэмжээнийхээ хүрээнд гаргаж байгаа эрх зүйн баримт; журамласан юм: заавар биелүүлэх (заасан журмыг ёсоор гүйцэтгэх), заавар дүрэм [хоршоо] (журамлан тогтоосон дэг) - Засгийн газрынхаа заавар, дүрмийг сайн мэдэж байна. С.Дашдэндэв. Улаан наран., тушаал заавар ~ заавар тушаал [хоршоо] (эрх бүхий байгууллага, хүний гаргасан захирамж, сануулга), сургаал заавар [хоршоо] (захиж сургасан үг), тогтоол заавар [хоршоо] (хийх ажил, үйл ажиллагаанд мөрдвөл зохих аргыг тусгасан тогтоол), удирдлага заавар [хоршоо] (ажил хэргийг хийж гүйцэтгэх талаар өгсөн зөвлөмж, дагавал зохих мөрдлөг), үг заавар [хоршоо] (зааж сургасан үг);

---

2. Ямар нэг ажлыг гүйцэтгэх аргачлалыг заах, зөвлөх сургалт - Би одоо хоёр газар очиж заавар өгөх ёстой. Ш.Гаадамба. Элбэг дээл., заавар зөвлөгөө [хоршоо] (зааж сургасан зөвлөгөө);

---

3. Ямар нэг юмыг хэрэглэх, ашиглах аргыг тайлбарласан дагалдах бичиг; тайлбар: багаж хэрэгслийн заавар (багаж хэрэгслийг хэрхэн ашиглах тухай заасан тайлбар бичиг), төхөөрөмжийг ашиглах заавар (төхөөрөмжийг хэрхэн ажиллуулах, ашиглах тухай тайлбар бичиг), эмийн заавар (эмийг хэрэглэх арга, тун хэмжээг заасан бичиг).