1. Ээлжийн журмаар үүрэг гүйцэтгэх хүн: жижүүр анги (а. Ээлжээр сахин харуулдах анги; б. Ангийн цэвэрлэгээг хариуцах нь), жижүүр сувилагч (ээлжийн сувилагч), жижүүр томилох (ээлжийн албанд томилох), жижүүр хийх (ээлж харуулын алба гүйцэтгэх - Намайг сурч байхад багш маань шөнө жижүүр хийгээд ирэхдээ... П.Лувсанцэрэн. Хөдөөгийн дуун), жижүүр хүн (харуул, ээлжийн алба гүйцэтгэх хүн) - Заншсан ёсоор жижүүр хүн тэр өдрийн бүх ажлыг хийх ёстой. Ч.Чимид. Хавар намар., жижүүрийн байр (жижүүр байрлах, үүрэг гүйцэтгэх байр), ангийн жижүүр (ангийн цэвэрлэгээ зэрэг тухайн өдрийн хуваарьт үүрэг гүйцэтгэх хүн), жижүүр цагдаа (ээлжийн цагдаа), жижүүр эмч (албан хуваариар ээлжийн үүрэг гүйцэтгэх эмч);

---

2. Жижүүр хийх ээлж: жижүүр солигдох (ээлж солигдох), өртөөний жижүүр (өртөөний ээлжийн алба), харуулын жижүүр (харуулын үүрэг гүйцэтгэх ээлжит алба), шөнийн жижүүр (шөнийн ээлж, шөнийн харуул).