1. Жигүүр, далавч нь ургах; жигүүртэй, далавчтай болох: дэгдээхий жигүүрлэх (дэгдээхийн өд сөд гүйцэж, далавч ургах) - Оньст хүлгээр жигүүрлэсэн юм. Ш.Цогт. Од;

---

2. Юманд жигүүр тааруулах, жигүүртэй болгох;

---

3. Юмны зах этгээдийг хүрээлэх;

---

4. Жигүүр мэт байрлуулах - Төв суурийг эзлэн бусдаа жигүүрлэн жагсаажээ. Д.Гонгор нар. Д.Сүхбаатарын тухай дуртгалууд;

---

5. Жигүүр, далавчтай болсон мэт санагдах, зоригжих, зориг орох: сэтгэлээрээ жигүүрлэх (сэтгэлдээ сайн сайхан хүсэл мөрөөдлөөр хөтлөгдөн явах) - Өвгөн Төмөр удахгүй отгон хүүтэйгээ уулзана гэхээс бие хөнгөрч сэтгэл жигүүрлэнэ. С.Удвал. Та бид уулзана., хүслээрээ жигүүрлэх (хүслээрээ урамшин тэмүүлэх) - Хүн гэгч хүслээрээ жигүүрлэн үүнийхээ хүчээр шинийг сурч мэдэж байдаг. С.Лочин нар. Галтай залуу нас;

---

6. [шилжсэн] Хошуучлах, тэргүүлэх: бусдыгаа жигүүрлэх (бусдыгаа уриалан манлайлах) - Тугийн хоёр талд нэжгээд хүн жигүүрлэн дагуулсан Хатанбаатар том сартай бөмбөн сайвар хээр морь унаад гарч ирэв. Ч.Лодойдамба. Тунгалаг Тамир;

---

7. Ижилдэн нөхөрлөх, ханилах: муу юмтай жигүүрлэх (муу юмтай нөхөрлөх, өөдгүй мууг дагалдуулах).