1. Бороонд нөмрөх ханцуйгүй нөмрөг хувцас: жанч нөмрөх (нөмрөг хөдрөх), жанч өмсөх (нөмрөгөөр биеэ хулдах), цэмбэн жанч (цэмбээр хийсэн нөмрөг) - Их овоодой хонины сархинаг шиг иржгэр хуниастай цэмбэн жанч нөмөрчээ. Ц.Уламбаяр. Зовлон жаргал., тэрмэн жанч (ноосон эдээр хийсэн нөмрөг);

---

2. Лам нарын өмсөх хуниас гаргаж хийсэн хувцас: торгон жанч (ёнхор мяндсан эдээр хийсэн нөмрөг), төвөд жанч (гонзгой дөрвөлжин хэлбэртэй бадтай хувцас), үнэгэн жанч (халиу булган хиазтай, шүр сувдан чимэгтэй, хар үнэгний арьс зүйж хийсэн хувцас), хамба жанч (хоргой захтай, шар торгоор хийсэн хувцас), гэсгүй жанч (шар цэмбээр хийсэн хувцас), шунлайв жанч (халзан хошоотой, шар торгон хувцас), жанч халах (лам нарын нас барахыг цээрлэн хэлэх үг, өөд болох, бурхан болох) - Нэгэн өдөр санамсаргүй жанч халахад хүрвэл та арга замаа бодоход хүрнэ. Б.Ринчен. Үүрийн туяа., жанч халуулах (егүүтгүүлэх, хороолгох) - Богдын сандан мэндэн жанч халуулсан өвгөн Цэ шанзавын заргыг арга буюу дарахад хүрнэ. Б.Ринчен. Үүрийн туяа;

---

3. [шилжсэн] Баринтаг, боолт: судрын жанч (номын баринтаг), жанч тахиа [амьтан] (доголон ханчир гэдэг шувуу), жанч хорхой [амьтан] (бяцхан ялаа).