1. Жавхаатай, золбоотой, цог үзэсгэлэнтэй, жавхлан төгөлдөр - Буурал тав гэзэгтэй, соёо сахалтай, өндөр нуруутай, нэг жавхлантай өвгөн орж ирэв. Б.Ринчен. Сандо амбан., жавхлантай залуу (золбоолог залуу), жавхлантай хүн (баяр баясал, өнгө жавхаа бүрдсэн гавшгай хүн) -  Ээж минь ер нь эрүүл саруул, энх тунх,  амьдралын баяр жавхлантай хүн шүү. Л. Дашням. Миний ээж., сүр жавхлантай [хоршоо] (сүр бараатай, өнгө жавхаатай) - Бэрээвэнг бурхны орон гэж санаж явсан Цэрэнбадамд Богдын хүрээ гэдэг зүйрлэшгүй сүр жавхлантай ажээ. С. Эрдэнэ. Хөх хулгана жил., цог жавхлантай [хоршоо] (цог золбоо, хийморь жавхаа бүхий) - Сүхбаатар бол маш их цог жавхлантай, сэргэлэн хүн байсан юм. Д.Сүхбаатарын тухай дуртгалууд;

---

2. Сүр жавхлантай, сэргэлэн цовоо, өнгө үзэмж төгс - Ариунаа Тулга хоёрыг дагуулан, нөгөө өвгөн цэрэг орж ирээд жавхлантай гэгчээр ёслов. Ч.Ойдов. Их жанжин Сүхбаатар танаа;

---

3. Үзэсгэлэнтэй, гоо сайхан, гоё - Арвин дэлгэр Толбо минь, өнгө жавхлантай байдаг сан. Ч.Лхамсүрэн. Мамий Жукей хоёр;

---

4. Золтой, азтай, заяатай - Жавхлантай төрсөн Дагиймаа хүүхэн, жаргалтай дууны минь яруу эгшиг. М.Цэдэндорж. Есөн хүсэл;

---

5. Баяр баясгалантай, баяр цэнгэлтэй - Битүүлнэ гэж баяр жавхлантайгаар хөдөлцгөөнө. Д.Нацагдорж. Цагаан сар ба хар нулимс;

---

6. Сүрлэг, ноёлог, өндөр: сүр жавхлантай уулс (ноён сарьдаг уулс) - Энэхүү сүрлэг том ордны өндрөөс сүр жавхлантай уул толгод тал талаас нь шахсан байна. Г.Гофман. Хар генерал.