1. Дөрвөн өнцгийг нь холбосон зургийн гуу: жаазны хүрээ (зургийн гууны хашлага), жаазтай зураг (жаазалсан зураг) - Хойморт ирвэсийн арьсан аравч, торгон хөшиг татаж цөмбийтэл зассан ор, орны толгой талд мөн хээ хуар болсон дөрвөн авдар, авдар дээр гурван талтай толь, жаазтай зураг, гэрийн эзэгтэйн сам шүүр, үнэртэй ус тэргүүтэнг өржээ. С. Эрдэнэ. Анчны гэргий., зургийн жааз (уран зураг, гэрэл зураг зэргийг агуулах гуу, хүрээ) - Шинэ сууцанд орсондоо баяр хөөр болсоор хатуу ханыг өрөмдөж хадаасыг тогтоогоод, эхнэртэйгээ хамт авахуулсан зургийн жааз өлгөхдөө дуу аялж байсан санагдана. П. Баярсайхан. Сармагчин бол сармагчин;

---

2. Жааз мэт зүйл, хүрээ: жаазан тор (гуулж жаазалсан тор), жаазан антен (дугуй, дөрвөлжин, тэгш өнцөгт хэлбэртэй жааз үүсгэсэн нэг ороомог юмуу, хэд хэдэн хавтгай ороомгон дамжуулагч байдалтайгаар хийсэн, чиглэлт антен; жаазан антеныг гол төлөв хүлээн авах антены зориулалтаар ашигладаг), цонхны жааз (цонхны хүрээ), гуу жааз [хоршоо] (хүрээ жааз) - Бас ч гуу жааз хийж хэд гурван төгрөгөөр борлуулдаг гэсэн. Д.Намсрай. Тооройн төгөл., хүрээ жааз [хоршоо] (зах ирмэгийг дагуулж хийсэн жааз) - Хошуучийн орны аравчинд эрэгтэй эмэгтэй хоёр хүний багашаархан зургийг жааз хүрээ ч үгүй, тавтай хадаасаар тогтоосон нь он жилийн уртад ихэд хуучирчээ. Д. Намсрай. Тооройн төгөл;

---

3. Сараалжлан хийсэн тавиур: жаазан гүүр (босоо тулгууртай, хатуу холбоостой гол дамнуураар үүссэн хөндлөн жааз хэлбэрийн хүрээ нь гол бүтээц болох гүүр), жаазан тавиур (дөрвөлжин цонх бүхий тулгуур), номын жааз (номын тавиур).