1. Угаасаа, угтаа, ер нь, огт - Энд уулзана гэж ердөө санасангүй, зориг хатуужил гаргаж эрэлцсэнд би их баярлалаа. С.Удвал. Та бид уулзана., ердөө болохгүй (огт болохгүй) - Чөтгөр бугтай газраар бол энэ морийг унаж явж ердөө болохгүй. Ц. Дамдинсүрэн. Морь шинжээч Жомбоо хүү., ердөө зөв (угтаа зөв), ердөө тийм (харин тийм), ердөө хэрэггүй (угаасаа хэрэггүй) - Хэрвээ манай аймагт үлийн хөх тархсан газар бүрд солонго өсгөвөл тэр их хор, тариа будаа, нисэх онгоц ердөө хэрэггүй. Л. Түдэв. Солонгын сүрэг., ердөө мэдэхгүй (огт мэдэхгүй) - Батхуяг манай хошууны хүн гэх боловч багадаа нутгаасаа гарчихсан тул газар нутаг ердөө мэдэхгүй хүн байв. Ц. Дамдинсүрэн. Хууч яриа., ердөө санахгүй (юу ч санахгүй), ердөө явж үзээгүй (нэг ч удаа явж үзээгүй);

---

2. Зөвхөн, дөнгөж: ердөө ганц удаа (зөвхөн ганц удаа), ердөө энэ (байгаа нь л энэ) - Олон зуун хониноос минь үлдсэн нь ердөө энэхэн билээ. Ц.Дамдинсүрэн. Түүвэр зохиол.