1. Бодис юмсын даралт, тэлэх хүчний үйлчлэлээр хагарах, тэсрэх: бөмбөг дэлбэрэх (а. Галт бөмбөг тэсрэх; б. Арьсан бөмбөг хагарах), галт уул дэлбэрэх (галт уулын халуун лав зад үсрэн оргилох), дэлбэрэх тэсрэх [хоршоо] (тэсэрч хагарах, зад үсрэх) - Тэгтэл буун дуу гарч хүрээнд сум дэлбэрэх чимээ дэгдлээ. Л.Түдэв. Уулын үер;

---

2. [шилжсэн] Хэвийн хэмжээнээс хэтрэхэд хүрэх, язрах, урагдах: дэлбэртэл баяжих (эд зүйлээ багтааж шингээх газаргүй болтлоо баяжих), дэлбэртэл идэх (гэдсээ язартал идэх, хоолоо хэтрүүлэх), дэлбэртэл таргалах (арьсаа язартал таргалах), дэлбэртэл уурлах (байдгаараа уурлах), цөс нь дэлбэрэх (ихэд айх) - Түшмэдийн царай нь барайж цөс нь дэлбэрэх шахав. С.Дашдэндэв. Улаан наран;

---

3. Дэлгэрэх, цэцэглэх: сарнай цэцэг дэлбэрэх (сарнай цэцэг дэлгэрэх).