1. Хугацаа гүйцэх, төгсөх: сар дуусах (сар гүйцэх), хугацаа дуусах (заасан хугацаа төгсөх);

---

2. Үйл явдлын төгсөх, өндөрлөх: дайн дуусах (дайны гал унтрах, дайтаж тулалдахаа болих) - Халх голд болсон дайн манай ялалтаар дууссан ч санаа амарч тайван амьсгалах цаг бас ч хэдэн жилийн зайтай байжээ. Б.Чойндон. Галбын говьд., хичээл дуусах (хичээлийн цаг өндөрлөх); 2. Барах, гүйцээх: буянаа дуусах (буянаа барах), ажил хийвэл дуустал, давс хийвэл уустал [зүйр цэцэн үг] (аливаа юмны эцсийн үр дүнг заавал үзэх ёстой гэсэн санаа);

---

3. Гүйцэх, барагдах: зүйл дуусах (а. Анги, хэсэг өндөрлөх; б. Үхэх, нас барах), тооцоо дуусах (тооцоогүй болох), ус дуусах (ус шавхагдах), дуусаагүй барилга (барьж гүйцээгүй, ашиглалтад өгөөгүй барилга байгууламж) - Дугар ахынх нь урлаж өгсөн тоглоомууд бараг бүгдээрээ хэмхэрч хаягдсаар дуусжээ. Б.Нямаа. Арандалынхан;

---

4. Өнгөрөх, нас барах, үхэх, үрэгдэх, үгүй болох: үхээд дуусах (үхэж үрэгдсээр үгүй болох) - Сайхан улс байсан юмсан ингээд л дуусдаг байж. “Цог” сэтгүүл.