1. Дуудах үйлийн нэр: дуудлага авах (ирээч гэсэн албан ёсны хэл хүлээж авах), дуудлага өгөх (тусламж дэмжлэгийг албан ёсоор дуудах үйл), дуудлага илгээх (ирүүлэх мэдээ, дохио илгээх), дуудлага худалдаа (хөтлөгчийн удирдлагаар олны өмнө зарагдаж байгаа бараанд хамгийн өндөр үнэ хэлсэн хүн нь худалдаж авдаг үнэ хаялцуулах худалдаа), дуудлагын тэрэг (дуудлагаар тусламж үйлчилгээ хүргэх унаа машин) - Чи сууриудаар дуудлагаар явах далимдаа тэр хавийн айлуудаар орж эрүүл мэндийн үзлэг хийж болно шүү дээ. Н.Банзрагч. Талын цагаан өргөө., *энгэр газрын дуудлага (үхэл, үхэл дуудах);

---

2. Өгүүлэх, унших арга, хэлэх аялгуу: авианы дуудлага [хэл шинжлэл] (авиаг зөв хэлэх ёс), дуудлагын зөрүү (хэлэх өгүүлэх зөрүү), дуудлага ижил үгс [хэл шинжлэл] (утга, бичлэгээрээ ондоо боловч уншлагаараа адил үгс), дуудлага ойролцоо үгс [хэл шинжлэл] (ойролцоо хэлэх, унших, өгүүлэгдэх үгс), зөв дуудлага [хэл шинжлэл] (утга зохиолын хэлний хэм хэмжээний дагуу хэлэх байдал), утга зохиолын дуудлагын зөв журам (зөв дуудах ёс);

---

3. Сүнс онгод урих уншлага, зан үйл: бөөгийн дуудлага (онгод урих, даалгахад хэлэх үг);

---

4. Хүний нэрийг эерүүлэн дуудах нэрийдэл үг.