1. Гүйцэд биш, бүрэн биш: дутуу харах (а. Халти мөлт харах; б. Наагуур харах), дутуу тээх (гүйцэд биш тээх), дутуу төрсөн хүүхэд (төрөх хугацаанаасаа наана төрсөн хүүхэд), дутуу үнэлэх (басамжлан үзэх), дутуу хийх (гүйцэд бус хийх, хагас хийх), дутуу исэх (исэж гүйцээгүй), дутуу шатах (бүрэн бус шатах), мах дутуу болгох (мах түүхийрүүлэх), дутуу болсон мах (шүүрхий мах), нойр дутуу (гүйцэд сайн унтаагүй, нойр ханаагүй), дутуу дулимаг [хоршоо] (хүчин мөхөс, чанар муутай), дутуу дурган [хоршоо] (дутуу хагас, зуурам, бүрэн гүйцэд биш), дутуу гацуу [хоршоо] (а. Дутуу гуцуу; б. Дутуу дулимаг) - Үргэлж дутуу гацуу, хоолтой хоолгүй явжээ. Н.Банзрагч. Зам., дутуу гуцуу [хоршоо] (хангамж хүрэлцээгүй байдал), дутуу дулим [хоршоо[ (дутуу хагас), илүү дутуу [хоршоо] (хэрэгтэй хэрэггүй зүйл, дэмий илүүц юм), тахир дутуу [хоршоо] (эрэмдэг зэрэмдэг), эрхтэн дутуу (эрхтэн бүрэн бус), дутуу алсан могой шиг [зүйр цэцэн үг] (хоёрын хооронд болсон, яаж ч болохгүй гэсэн санаа) - Би дутуу алсан могой шиг юм заяа нь хийхгүй, хийвэл хийсэн шиг хийнэ гэж амандаа үглэхийн сацуу урьд өмнө зүүдлээ ч үгүй шулмасын санаа шургалан аяар аяар орж ирлээ. До. Цэнджав. Тэнгэрт хальсан тоос;

---

2. Зуурам: дутуу бичих (а. Гүйцээлгүй орхиж бичих; б. Бүрэн бус бичих), дутуу зуурам [хоршоо] (хэдийгээр хийсэн боловч гүйцээгээгүй байдал), дутуу турхан [хоршоо] (гүйцэд бус, зуурам хагас) - Яарал мэгдүүрэл цэрэг дайны цагт тохиолдоод гээгдэн орхигдож дутуу турхан болсон... В.Инжаннаши. Хөх судар., дутуу зуурам хаях (гүйцээлгүй орхих), *дундыгаа дүүргэж, дутуугаа гүйцээх (хагас дутуу орхисон юмыг бүрэн гүйцэд болгох, гүйцээж хийх гэсэн санаа) - Дугар татаж байсан тамхиа дутуу орхиод... Н.Банзрагч. Зам;

---

3. Чанар байдлаар хэвийн хэмжээнд эс хүрэх: үзэмжээр дутуу (үзэмжээр бусдын энд хүрэхгүй), бяраар дутуу (бяраар сайнгүй), чадвараар дутуу (чадвараар гүйцэхгүй), ясаар дутуу (эдэлгээний яс чанар муутай);

---

4. Товлосон цаг болох хүртэлх хугацаа: ажил дуусахад таван өдөр дутуу байна (ажил дуусахад таван өдөр үлдээд байна).