1. Сайхан юманд дур хүрэх, сэтгэл татагдах - Энэ жимсэнд ухаангүй дурлаад байсан юм. “Утга зохиол урлаг” сонин;

---

2. Янаг хайрын сэтгэлтэй болох: амиа тавин дурлах (хайр сэтгэлийн төлөө яахаас ч буцахгүй болох), ухаангүй дурлах (хайрын сэтгэлд ихэд татагдан өөр зүйл анхаарахаа болих), хүүхэнд дурлах (бүсгүй хүнд хайр сэтгэлтэй болох) - Таны хэнд дурлах, хэн танд дурлах надад падгүй хэрэг. “Цог” сэтгүүл., дурлалаа гээд дурдан барих, уурлалаа гээд урж тасдах [зүйр цэцэн үг] (хэтэрхий олон ааш гаргаж, яршиг түвэг удах гэсэн санаа);

---

3. Өө сэв эрэлхийлэх: хүний мууд дурлах (хүний мууг үзэх, алдаа эндэгдлээр бах тав болгох);

---

4. Сонирхох шохоорхох: үгэнд дурлах (үг ярианы учрыг олох гэх), хэрэгт дурлах (бусдын хэрэгт хошуу дүрэх) - Энэ золиг албаны улсын хэрэгт дурлаж юугаа хийнэ. Д.Найманжин. Оломгүй далай.