Нэгэн зүйл торгомсог бараа: дурдан алчуур (торгомсог эдээр хийсэн алчуур) - Цэнхэр дурдан алчуураа Цэцэг навчаар гоёлоо доо. Х.Пэрлээ. Амрагийн дуу., дурдан шаа (дурдмын адил, шаагийн ар болгон нэхсэн нь), дурдан бүс (дурдангаар хийсэн бүс) - Гэгээн хар захтай цэнхэр торгон дээл дээр шар дурдан бүс бүслээд орос улаан эрээн эсгий гутал өмсчээ. Ч. Лодойдамба. Тунгалаг тамир., бужгар дурдан (дугуй хээтэй дурдан), чинчүү дурдан [хоршоо] (торго дурдан), шангийн дурдан (урамшуулал болгон шагнасан дурдан) - Бие бялдар тэгш, нуруу гуалиг, улаан торгоор нарийхан бөөрөнхийлж эмжсэн хар хөх шангийн дурдан дээлийг өмсөж, ногоон ажгар дурдан бүсийг ороосон нь хотын дэгжин байдлыг үзүүлжээ. Д. Нацагдорж. “Хэлхээгүй сувд” хэмээх тууж., торго дурдан [хоршоо] (үнэ цэнэ бүхий нарийн нэхээст бөс бараа) - Дорж, дандаа торго дурдан өмсдөг, ганган хээнцэр учраас “торгон Дорж” гэж хоч нэртэй болж, ийм нэр олсондоо Дорж их бахдаж, бардаж явдаг байна. Ц. Дамдинсүрэн. Бух Гомбо., дурдах зовлонгүй, дурданд ширүүнгүй [зүйр цэцэн үг] (элбэг дэлбэг амьдрах гэсэн санаа).