Хамаг, бүх, даяар: даян аварга (улсын баяр наадамд далай аварга цолтой барилдаж түрүүлсэн бөхөд олгох чимэг цол) - Тооноор од анивчихыг ажиглан хэвтэхэд Насангийн нүдэнд Хүдэр даян аварга ер харагдаад болохгүй байв. Д. Цэдэв. Улаан хамбан зодогт буюу тавын даваа., даян дэлхий (бүх дэлхий ертөнц), даян эргүүлдэх (олон газар хэсүүчлэн явах), даяныг тойрох (а. Амьдралын бэрхшээлийг давж, дэмжлэг олохоор хаа хамаагүй явах; б. Ажил хэргээс зайлсхийж, энд тэнд толгой хоргодон явах) - Уурхайчин таны цуутай бүтээл, улс даяныг бахдуулж байна. Ж.Бадраа. Уяхан хорвоон хань., хорвоо даян (хорвоо дахин) - Мандах нарны гэрэлт туяа хорвоо даяныг гийгүүлээд мянга түмэн ардын сэтгэлийг хөгжөөн баясгаж байв аа. М.Дэмчигжав. Мэдээ хүргэгч Дампил.