1. Шашны ёсонд лам хуврагийн сургууль, ном хийх орон, сүм: зурхайн дацан (зурхайн үйл ажиллагаа явуулдаг сүм дуган), мамба дацан (уламжлалт анагаах ухааны хийд), чойрын дацан (тарнийн ном бясалгадаг цогцолбор) - Лувсандорж цанид дацанд ороод гурав дөрвөн жил болоход... Ж.Дамдин. Үймээний жил., сүм дацан [хоршоо] (бурхан тахих, ном сургаал айлдах, хурал хурах зэрэг шашны ёсны зан үйл үйлдэх ба шашны ёсны ном заан сургах сургууль);

---

2. Хүрээ хийдийн шавь нарыг баримтлан захирах бие даасан удирдлагын хуваарь нэгж: баруун дацан (а. Баруун талд байдаг салбар сүм хийд; б. Баруун хүрээний дацан), зүүн дацан (а. Зүүн талын дацан; б. Зүүн хүрээний дацан) - Заяын хүрээний зүүн дацангийн гэсгүй бүдүүн лам эрихээ эвхэж өвөртлөөд намбатай босож... Ч.Лодойдамба. Тунгалаг Тамир.