Хүйтний улиралд хувцасны гадуур үсийг нь гадагш харуулан өмсөх арьсан хувцас, энгэргүй, урдуураа задгай, бүчтэй: булган дах (булганы арьс зүйж хийсэн дах) - Эцгийн адил эцэг гэж булган дах авчирч өгсөн тухайд би ингэж хэлсэн билээ. Монголын нууц товчоо., сэгсүүргэн дах (сэнс арьсаар хийсэн дах), чонон дах (чонын арьсан дах) - Манайд ихэд удсан нэг чонон дах байсан юм. Г.Мэнд-Ооёо. Алтан овоо., ямаан дах (ямааны арьсаар хийсэн дах) - Булган дахны чинь оронд бутарсан улсыг чинь цуглуулж өгье. Монголын нууц товчоо., дах болох (а. Хувцас хунар элбэгдэх, томдох - Ахын дээл ч чамд дах болжээ. Яриа; б. [шилжсэн] Халхавч түшиг болох - Далай Жангарынхаа дайн талын дах болсон биш бил үү чи!. Жангар), дах давхац [хоршоо] (өвлийн хүйтэнд өмсөх үслэг арьсан дах), дах дэгтий [хоршоо] (их хүйтэнд хувцасны гадуур давхарлан өмсөх өмсгөл) - Үзвээс дах дэгтий болсон хоёр элч байрын хүн морьдын уяан дээр бууж байв. Д. Маам. Орлойн тэнгэр., *дахан доогуур (сэмхэн, нууцаар, далдуур), дахан дор эр, даахин дор хүлэг [зүйр цэцэн үг] (одоохондоо бага балчир боловч хожим өсөж их хэрэг бүтээх хүн болно гэсэн санаа).