1. Мал тэжээхэд зориулж ургамлыг ногоон үед нь навч, нахиа, иштэй нь дарж хадгалсан тэжээл, тусгай сав төхөөрөмжид агааргүй болтол нягтруулан дарж хадгалсан шүүст тэжээл: дарш бэлтгэх (ургамлыг ногооноор нь иш навчтай нь дарж хадгалах), даршны нүх (дарш хадгалахаар ухсан нүх), эрдэнэ шишийн дарш (эрдэнэ шишийг иш, навчтай нь дарсан хүчиллэг тэжээл) - Хүү минь эрдэнэ шишийн дарш гэдэг мөн ч эрдэнэ шиг ашигтай эд юм даа. Ч.Ойдов. Их жанжин Сүхбаатар танаа;

---

2. Удаан хугацаагаар хураан хадгалсан юм; удсан юм: дарш аргал (хураалттай аргал), дарш өвс (өнжмөл өвс), булш дарш [хоршоо] (а. Булсан зүйл; б. Булшны нүх).