1. [хуучирсан] Алба татвар зэргийг тээхгүй эрх дархтай болсон хүн - Одоо миний шадар Хорчи нум сум агсагч цэрэг болж, хуримд хундага дэвшүүлж дархан эрхтэй жаргаж явтугай гэж зарлиг болов. Монголын нууц товчоо;
2. Ховор амьтан ургамал зэрэг юмыг үржүүлэх, хамгаалах зорилгоор авах, авлахыг улсаас хориглон цаазалсан газар:
дархан цаазтай газар (дур мэдэн эзэмших, ашиглах хориотой газар)
- Рашаан ус горхитой дархан Богд уулын даамал их алдар нь даяар өргөн... Монгол ардын аман зохиолын дээж., онгон дархан [хоршоо] (хүн, амьтан хүрч хөндөөгүй болон хөндөж болохгүй хэмээн дархалж эрхэмлэсэн ариун зүйл) -
Сэтгэлийнхээ гүн дэх сүрлэг энэ онгон дархан хайрхан өөд өөрөө ч би өлмий хүргэж үл зүрхэлнэ. Д. Намсрай. Лусын охинтой зохиосон үлгэрийн төгсгөл;
3. Цол, хэргэм:
дархан аварга (улсын наадамд түрүүлсэн арслан цолтой бөхөд олгох цол) -
Далай даян дархан аварга аа хө. З. Түмэнжаргал. Зууны манлай., дархан алдар (хэнд ч гутаагдашгүй нэр алдар),
дархан бэйл (бүрэн эрхт бэйл),
дархан ван (бүрэн эрхт ван),
дархан хил (хэн ч халдашгүй хил)
- Дархан хилээ манаж яваа дайчин чамдаа очмоор байлаа. Д.Пүрэвдорж. Хөх даалимбан тэрлэг;
4. Гаршсан, найдвартай:
дархан мэх (маш чадмаг эзэмшсэн мэх) -
Дархан мэх нь дээ гэж хүмүүс хоорондоо ярилцаж байлаа. Ч. Лодойдамба. Тунгалаг тамир., дархан ташаа (ташаалдан баттай унагах мэх)
- Би түүнийг сугадан босгох зуур энгэр дээрх одонг нь ажиглаад, нүүр рүү нь лавлан харвал манай нутгийн нэрт бөхчүүдийн нэг байсан “дархан ташаа” Пэлжид гуай байлаа. Л.Дашням. Нялх ногоо., дархан бялзуухай [амьтан] (бор ногоон өдтэй, зулай дээрээ шар юм уу улбар шар сөөсгийтэй, бор шувууны багт хамаарах жижиг шувуу; шоргоолж бялзуухай),
дархан шувуу орд (тэнгэрийн бөмбөрцгийн өмнөд хагасын ордны орд).