Уг нь нарийн, үзүүр амсар тал нь өргөн хавтгай; эв хавгүй хавтгай том: далбагар амсартай аяга (амсар нь гадагш ихээхэн дэрвийсэн аяга), далбагар даавуу (хааш хаашаа том даавуу), далбагар малгай (хэлбэргүй том малгай), далбагар мөөг (том хавтгай мөөг), далбагар навч (өргөн том навч) - Өргөн шулуун барагшин зам гудамж дэс дэсээр бий болж, улиас модны далбагар навч салхины аясаар найгах болов. С. Бадраа. Улаанбаатар минь сайн байна уу., далбагар нударга (хэтэрхий том нударга), далбагар хормой (нэвсгэр том хормой) - Гараа дээр дээр савлаж, хөлөө хол хол шидлэн тийн амь зулбан зугтаахад халимаг үс нь сэгсэгнэн, цувных нь далбагар хормой салбаганан дэрвэнэ. П. Баярсайхан. Нохойн хэвтэр., далбагар дэлбэгэр [хоршоо] (хавтгай дэрвэгэр) - Хоёул баахан урт мод цуглуулж босгоод холтос, далбагар навчаар бүтээж бороо гоожихгүй болгов. Б.Бааст. Алтайн хөх дөнөн., далбагар байцай [ургамал] (хятад байцай).