1. Дайны уршгаар гарах хулгай дээрэм, үймээн самуун: дажин болох (а. Үймэх, самуурах - Өвсөө бэлтгэхгүй суусаар зудтай нүүр тулахтайгаа зэрэг утастай нь утсаа шүүрч, утасгүй нь цахилгаан бичиж дажин болох юм. Л. Түдэв. Хоёр өмчийн нэг эзэн; б. [шилж] Учиргүй баярлаж ихэд хөгжих), дажин үүсгэх (эгэл олныг түйвээх), дайн дажин [хоршоо] (дайн тулаан, үймээн самуун) - Цэрэг болгон л дайн дажин, будлиан самуун, үхэл хагацал, ялсан дийлснээ ярьдаг байлаа. Ш. Цэнд - Аюуш. Гайхамшигт соронзон., дайнаас дажин нь (үймээн самуун, хулгай дээрэм дайнаас илүү гарз учруулдаг) - Тэд хэдий өчүүхэн бүлэг дээрэмчин гэлээ жонон вангийн хошууны отог сумдаар явж, айл хунарыг уулгалж тонон, цэрэгт элсэхээс татгалзагсдыг алж талж, яггүй дажин үүсгэв. Б.Нямаа. Арандалынхан;

---

2. [шилжсэн] Хүнд эв эегүй ярдаг зан: дажин зан (нийцгүй яхир зан);

---

3. [шилжсэн] Идэш ууш, эд хэрэглэгдэхүүн ховор, тарчиг:  дажин хоосон цаг (хүнс хоол ховор хомс цаг үе), өлөн дажин (өлөн зэлмүүн, өлсгөлөн) - Дайны хажуугаар дажин гэдэг л энэ байх. Ж.Пүрэв. Гурван зангилаа;

---

4. Өвс бэлчээргүй, ган гачигтай: дажин жил (ган, зуд үргэлжилсэн хатуу жил), дажин газар (өвс, ургамал, бэлчээр муутай газар).