1. Ажил мэргэжилдээ дасаж боловсорсон байдал, юмыг хийж сурсан мэдэц чадвар: дадлага муутай (юманд сайн дадаж амжаагүй туршлага муутай), дадлага олох (юманд дадах, дадлагатай болох), дадлага суух (юманд улам дадах, чадвар туршлага суух), дадлага хийх (мэргэжлийн ажил хийж сурахаар урьдчилан ажиллах) - Дээд дамжаанд орох тутам сүм дуганы газар дадлага хийх нь олширно. Д. Гармаа. Бурхан багшаа худалдсан нь., дадлагын хичээл (туршлага, сорил хийх хичээл), ажиллах дадлага (ажиллах сурц, арга эв), багшлах дадлага (сурган хүмүүжүүлэх эв дүйд суралцах хичээл), зуны дадлага (зуны амралтаар гүйцэтгэх туршлагын ажил), оюутны дадлага (эзэмших мэргэжлийн чиглэлээр албан байгууллага дээр гүйцэтгэх ажил) - Мөн тэр жил буюу 1965 оны хавар, зун Д.Гармаа бид хоёр Зохиолчдын хороонд оюутны дадлага хийж байв. Д. Нямаа. Ээж хайрханы бараа., хичээлийн дадлага (тодорхой нэг хичээлээр үзсэнээ бататгах хичээл), дадлага туршлага [хоршоо] (хийж дадсан, сурсан зүйл, мэдлэг) - Чи ч манайд хэд хэдэн удаа дадлага хийсэн хүн. Д.Цэдэв. Айргийн амт., чадал дадлага [хоршоо] (дадал чадвар), мэдлэг дадлага [хоршоо] (сурч эзэмшсэн зүйлийн түвшин, түүнийг амьдралд хэрэглэх чадвар), мэргэжил дадлага [хоршоо] (тогтолцоотой эзэмшсэн мэдлэг, түүнийгээ амьдралд хэрэглэх чадвар);

---

2. Хэвшсэн зан авир; дадал зуршил: дадлага болох (зуршил болох).