1. Үйлийн болох орон байр нь юмны ойр хавиар байх, гудас: голын хөвөө дагуу (голын эрэг хөвөө орчим) - Тэр их голын хөвөө дагуу олон мянган хүн байгаа бололтой дуу шуу ч зэгсэн их ажээ. Н. Банзрагч. Зам., зам дагуу (зам гудас, зам зуур) - Зам дагуу айл амьтангүй. Н.Банзрагч. Зам;

---

2. Нэг юмны хөдлөл нь нөгөө юмны аяар болох байдал: урсгал дагуу сэлэх (урсгал уруудан сэлэх) - Тэр л дагуу нь оролдохгүй бол хүчээр үзээд нэмэргүй юм билээ. Ч.Алагсай. Алтайн замд;

---

3. Үйл явдлын ташрам далимаар: судар ном үзэхийнхээ дагуу (судар ном үзэхийнхээ далимд), адуунд явахын дагуу ан таарвал намнах (юмыг далимлан хийх);

---

4. Уг ёсоор, мөн хэвээр: хэлсний дагуу (хэлсэн ёсоор) - Харин муу ёрын эвгүй зүүдээ их зөв бодолтой, зөв хүнээр заавал тайлуулахад гэмгүй гэнэ лээ шүү гэж Намжилынхаа хэлсний дагуу мэргэн Бавуудоржийнд зориуд очжээ. До. Цэнджав. Хөх жавар;

---

5. Ажил хэргийн чиглэлээр; сонирхлынхоо дагуу (сонирхолдоо хөтлөгдөн) - Тэдний хүсэл сонирхлынх нь дагуу хуваарилав. Б.Бааст. Хяруу унасан цагаар.