1. Халаа солиогүй ганцаар хийх: ажил дагнах (нэг л ажлаа үргэлжлүүлэн хийх), бууц дагнах (нэг л бууцан дээрээ суух), манаа дагнах (а. Ганцхан манааны л ажил хийх; б. Нэг л хүнээр манаа хийлгэх) - Олон дорд ардын дагнах алба давхцаж үнэхээр хүчин тэсэхүй хохиролд хүрсэн. Ардын заргын бичиг;

---

2. Нэг зүйлийг тууштай дагах, үргэлжид, дагтан, байнга: дагнан байх (байнга байх), дагнан очих (үргэлж очих), дагнан үзэх (дандаа үзэх) - Ер нь ямар нэгэн малыг аль ч улиралд гэсэн хурц шорвог ургамалтай говьд дагнан байлгах нь муу байдаг юм. Ж.Самбуу. Мал маллагааны арга туршлага., - Шударга талыг дагнах гэвэл хударга шил нь эзэн алдах гэсэн мэргэдийн сургаал байдаг. В.Шарма. Таван сургамж;

---

3. Найрчид тус бүр нэжгээд хул айраг уух: дугараа дагнах (нэгэн төрлийн ундаагаар дугараа барих);

---

4. Дан болгох: гэрээ дагнах (гэрийн дулаалгыг авч, дан бүрээстэй болгох);

---

5. Үйл хөдөлгөөн нэг тийш хандаж чиглэх - Олсон дээсний эрч нь дагнавал олмын сураас бөх болдог. Ж.Дашдорж. Монгол цэцэн үгийн далай;

---

6. Дагнаас гаргаж будах.