1. Химийн нэгдлийн нэг анги, ионы бүтэцтэй талст бодисууд; хүнсний зүйл амтлахад хэрэглэдэг, шорвог гашуун амт бүхий цагаан, бор өнгөтэй талст бодис: хоолны давс (хүнсэнд хэрэглэх давс), чулуун давс (дөрвөлжин талст хэлбэрийн давс), бор давс (байгалийн давс, жамц давс), жамц давс (хоолны чулуун давс), иоджуулсан давс (бамбай өвчнөөс сэргийлэх зорилгоор иодоор баяжуулсан хүнсний давс), хятад давс (энэтхэг давс), цагаан давс (сайтар боловсруулан хатаасан нунтаг цагаан давс) - Нунтаг цагаан давс бас тэр хэмжээгээр хийчих, ёстой салахын аргагүй дээ гэсээр дахиад л хамраа тачигнуулан хөхрөв. С. Пүрэв. Сүүдэр догшрох цаг., шар давс (усанд уусдаг шар талст, будаг хийхэд хэрэглэнэ), давс авах (а. Давс худалдан авах - Тэхээр бид гадаадаас давс авах хэрэгцээ юу байна?. Ц. Гайтав. Хорлоогийн Чойбалсан; б. Байгалиас давс олборлох), давс уусгах (Шингэн зүйлд давс найруулах), давс хийх (шингэн зүйлд давс уусгах), давс ширгээх (а. Давсыг тунгаах; б. [шилжсэн] Унтах), давсанд явах шилжсэн (унтах) - Нэг мэдсэн дэнгийн тос дуусаж, хиншүү ханхлан цөгцний ёроол шатаж эхэлсэнд цэргүүд “давсандаа явцгаая” гэж шоглолдон… Л.Түдэв. Алтан гадас чигийг заана., давсан лүший (давс ширгээх үед үлдсэн шороотой ус), давсны аян (давс шүүж авах, борлуулахаар алс холд явах ачаа хөсөг бүхий аян), давсны уурхай (давсны ордоос давс авч байх байгууламж), давс буулт [хоршоо] (хужир мараа) - Хужир шүү, давс буулт, мараа марц маш аруухан ургажээ. Н.Гоголь. Тарас Бульба., давс хужир [хоршоо] (гашуундуу хурц амттай, хоолонд амт оруулдаг, хээр газар ургадаг цагаан өнгө бүхий шүлтэрхэг талст бодис) - Тогтоосон худалдааг бариваас зохих гааль алба ба архи дарс, давс хужрын гааль ба ... тутарга дөчин түмэн дан илүү буй. В.Инжаннаши. Хөх судар., давс хийвэл уустал, ажил хийвэл дуустал [зүйр цэцэн үг] (аливаа үйлийг эхэлбэл эцсийг нь заавал үзэх хэрэгтэй гэсэн санаа) - Бас сангийн далайд давс тарьж, хол ойрын амьтныг давсны гачигдалгүй болгожээ. С.Дашдэндэв. Улаан наран., *давс гүйлгэх (унтах), *давс тээх (унтах), *даарин дээр нь давс нэмэх (хэрэг явдлыг улам хэцүү болгож дэвэргэх гэсэн санаа), *хошногонд нь давс хийх (хашраах, залхаах);

---

2. Хүчлийн найрлагад байх устөрөгчийн атомыг металлынхаас бүрэн ба хэсэгчлэн халсан химийн нэгдэл, нэгэн төрлийн бодис: давхар давс (химийн давхар нэгдэл бүхий давс), давсан нуур (давс гардаг нуур), давсан сум (давсаар цэнэглэсэн сум), гагнуурын давс (гагнуурын найрлагад ордог нэгэн зүйл давс; гууль өнгөлөх, чулуу наах, төмөр хатаах, ясны тос авах, өнгийн цаас хийх, мөнгө угаах зэрэгт ашиглана).