1. Нэвтрэх нэвчих, дааварлах, даагнах: жихүү даах (хүйт даах), тос даах (тос нэвчих), хир даах (хир шингэх, хир суух), хужир даах (а. Хужиртай ус ширгэх; б. Юмны өнгө, зүс царай хужир мэт зэвхий болох), хүйт даах (хүйтэн оргих, хүйтэн нэвтрэх) - Ар нуруу хүйт даах шиг болдог байлаа. Л.Содов. Хаврын нар., чийг даах (чийг татах) - Чийг нэвтэрсэн хувцас хунар нэвт норж, чийг дааж барина. Н.Банзрагч. Тал нутгийн хавар;

---

2. [шилжсэн] Царай зүс, юмны өнгө эвгүйтэх: зэвхий даах (а. Жавар хүйт хурж, таагүй тавгүй байх; б. Өнгө зүс алдах), зэвэр даах (зэвхий даах), өгөр даах (а. Хуучирч өгөрших; б. Өнгө алдан зэвхийрэх) - Нүүр нь зэвтэй төмөр шиг өгөр даан хоёр өвдөг нь хугарсан дэрсний толгой шиг санжганан чичирч байв. Д.Гарамжав. Нэгэн өглөө.