1. Монгол улсын засаг захиргаа, нутаг дэвсгэрийн хуваарийн хамгийн том үндсэн нэгж: аймгийн сав (аймгийн бүх нутаг дэвсгэр, хил) - Хоёр аймгийн сав болох Мөст хэмээх газар хүрч‎ээ. Ц.Дамбадорж. Толбо нуур., аймаг сум [хоршоо] (Монгол улсын засаг захиргааны үндсэн нэгж), аймаг анги [хоршоо] (нутаг дэвсгэрийн засаг захиргааны нэгж) - Улс албат, аймаг анги нийтээр цөм цуглан ирж‎ээ. В.Инжаннаши. Хөх судар., аймаг муж [хоршоо] (нутаг дэвсгэрийн засаг захиргааны нэгж) - Хүн морины тоо зэргийг хэлэлцэх байтугай аймаг мужийн хот балгад олон зууд хүрэх бөлгөө. Замлин Сэнчиний намтар оршив;

---

2. Хүний төрөл угсаа, зан суртахуунаараа нэгдэн бүрэлдсэн холбоо: аймгийн чуулган [түүх] (Манжийн ноёрхлын үед монголын аймгийн дээд эрхийг барьж байсан газар), аймгийн яам (аймгийн эрх барих газар), монгол аймаг (монгол угсаатан), татаар аймаг (татаар угсаатан) - Тэндээс Есүхэй баатар их цэргээ авч, Татаар аймгийг дайлаар мордов. В.Инжаннаши. Хөх судар., аймаг олон [хоршоо] (аймгийн хүмүүс) - Харьяат аймаг олноо монгол улс нэрийдэж г‎энэ. Хуримын ерөөл., аймаг отог [хоршоо] (удам угсаа, газар нутаг зэргээрээ нэгдсэн хэсэг бүлэг хүмүүсийг нэрлэх засаг захиргааны нэгж) - Эхний арван долоон аймаг отгийн хан болов. Замлин Сэнчиний намтар оршив., аймаг угсаа [хоршоо] (угсаа төрөл, соёл заншил нэгтэй хүмүүс) - Аймаг угсааныхаа залуу охид хөвгүүдтэй эрдэм суралцаж байсан ажээ. Чехийн эртний домог тууж., аймаг улс ~ улс аймаг [хоршоо] (а. Улс орон; б. Нэг ноёнд хамаарагдах бүлэг хүмүүс) - Аж төрөх байдал төстэй аймаг улс оршин суудаг байжээ. Чехийн эртний домог тууж., аймаг хот [хоршоо] (хотол даяар), аймаг хотол [хоршоо] (хотол олон) - Аймаг хотлоор хөөсөн ч манай хоёрыг гүйцэх үү. Монгол ардын уртын дуу., аймаг хошуу [хоршоо] (нутаг орон) - Алс хол нутагтай тэр аймаг хошуундаа хүндтэй тэр. Арван гурван хүлгийн дуун., овог аймаг [хоршоо] (нэг угсаанаас гаралтай хүмүүсийн нэгдэл);

---

3. Юмыг төрөл анги болгосон хуваарь: амьтны аймаг (амьтны ертөнц), нарны аймаг (нар түүнийг тойрон эргэх том бага гараг, тэдгээрийн дагуул сүүлт од, солирын биетээс бүрдсэн тогтолцоо), ургамлын аймаг (ургамлын ертөнц, ургамлын төрөл зүйл), үгсийн аймаг (үгсийн анги, ангилал).