1. Баймжит сул үг;  Батлах, нотлох, итгүүлэх зэрэг утга санаа илтгэнэ - Хөөрхөн хүүхэд байна даа. С.Эрдэнэ. Хонгор зул;

---

2. “л” баймжит бүтээвэртэй хамжиж гуйх, хүсэх санаа илтгэнэ - Хотоос ирсэн сурвалжлагч нарт элдэв юм дарга нарын нүднээс далдуур ярих ч буруу л даа! гээд тоглоомоор инээв. С.Лочин нар. Галтай залуу нас;

---

3. Сануулах, анхааруулах санаа илтгэнэ - Одоо Пил гуай та эсгийгээ зулна уу даа! гэв. Л.Түдэв. Нүүдэл;

---

4. Эргэлзэх, тээнэгэлзэх санаа илтгэнэ - Хачин юм даа, ойр орчим хуяг нар байх л ёстой. Т.Дэчингунгаа. Өөдрөг зам;

---

5. Харамсах санаа илтгэнэ - Чи минь даанч яав даа, түрүүнд надад хэлэхгүй. В.Шарма. Таван сургамж;

---

6. Бахдах, бахархах санаа илтгэнэ - Шинийг сурч мэдэх гэсэн залуу нас сайхан даа! С.Лочин. Сэтгэлийн өнгө.