1. Их, том: да буяар (хэмжээ томтой нэг зүйлийн амтат боов) - Даалинж нь адилхан ширхэгтэйеэ хө, да буяар боов нь адилхан амттайяа хө. Монгол ардын аман зохиолын дээж;
2. [шилжсэн] Нийслэл:
да хүрээ (а. Их хүрээ; б. [хуучирсан] Богд хаант Монгол улсын нийслэл)
- Бид Да хүрээнд хүрч очоод, нэг удаа буцах нь буцсан. Б.Нямаа. Арандалынхан;
3. [хуучирсан] Эрхэлсэн түшмэлийн доод зэрэг;
4. Дарга, ахлагч, даамал, тэргүүлэгч:
да гэлэнмаа (тэргүүн гэлэнмаа),
да жанжин хуучирсан (тэргүүн жанжин)
- Да жанжин танаа өргөн мэдүүлэв. Ардын заргын бичиг., да жунтан [хуучирсан] (улсын тэргүүн, ерөнхий даргын хүндэтгэл нэр)
- Богд гэгээн, тусгай төлөөлөгчийг Бээжинд зарж шинэ тушаалын да жунтанд баярын мэдээ илгээв. С.Дашдэндэв. Улаан наран., да лам (шашны хурлын захиргааны хэрэг эрхэлсэн албан тушаалтны хэргэм зэрэг)
- Харин да ламын хойноос дагаж нүүх гэсэн хуйвалдаан гарч магадгүй байна. П.Хорлоо. Багш., да мужаан [хуучирсан] (ахлах мужаан)
- Аа энд чинь барилгын да мужаан луухаан байдаг юм бий. Д.Мягмар. Нийлэх замын уулзварт., да нарын газар [хуучирсан] (дарга, даамал нарын албан байр)
- Аливаад учир бүхнийг гаргаж дөрвөн удаа да нар танаа бичиг өргөсөөр авч хариу тушаасангүй. Ардын заргын бичиг., дагийн жасаа [хуучирсан] (дарга, даамал тэргүүтний ээлжээр албан үүрэг гүйцэтгэх газар),
айлын да [хуучирсан] (хот айлын ахлагч),
буй да [хуучирсан] (гэрийн даамал),
гацааны да [хуучирсан] (гацааны дарга),
чуулган да [хуучирсан] (тогтмол үйл ажиллагаа явуулдаг чуулганы дарга).