1. Ажил хэргийг хэрхэн гүйцэтгэхээр улс, байгууллага, хүмүүсийн харилцан үүрэг хүлээж, харилцан тохиролцсоноо батлах баримт: гэрээ байгуулах (хэлэлцээр хийж, түүнийгээ албан ёсоор баталгаажуулах) - Тэр намар Хуяг Сүхбаатарыг дагаж, зөвлөлт улсын нийслэл Москва орж, монгол зөвлөлт улсын хооронд гэрээ байгуулах ажилд оролцож ирсэн билээ. Ч. Лодойдамба. Тунгалаг тамир., гэрээ зөрчих (байгуулсан гэрээгээ үл биелүүлэх), гэрээ цуцлах (хэлэлцээрийг цуцлах), найрамдлын гэрээ (хоёр улсын хоорондын нөхөрсөг харилцааны талаар албан ёсоор тохиролцсон баримт бичиг) - Санаа зорилго нэгтэй хоёр орон хэн хэндээ тус сонирхолтой тэгш эрхтэй ах дүүгийн найрамдлын гэрээ хийхээр явсан хэрэг. Д. Намдаг. Ээдрээ., хамтран ажиллах гэрээ (хоёр талын хамтран ажиллах албан ёсны батламж), хөдөлмөрийн гэрээ (ажил хөдөлмөрийг хэрхэн гүйцэтгэх тухай байгууллага, хувь хүмүүсийн хооронд байгуулсан баримт), гэрээ зөрчих (байгуулсан гэрээг аль нэг этгээд нь зөрчиж дутагдал гаргах нь), гэрээ бичиг (баталгаа баримт, баримт бичиг) - Тэргүүн сайд Сүхбаатар нарт Орос улсын засгийн газар ямар ч хэрэг хэлэлцэх ба гэрээ бичиг шууд хэлэлцэн тогтоох бүрэн эрх олгожээ. Г.Пүрэв нар. Д.Сүхбаатарын үйл амьдралтай холбогдох баримтат материалын эмхэтгэл., гэрээ баталгаа [хоршоо] (баримт баталгаа), гэрээ болзоо [хоршоо] (болзол хэлэлцээр) - Тэнд гэрээ болзоог польш нар эвдлэн тэсрүүлжээ. Н.В.Гоголь. Тарас Бульба., гэрээ хэлэлцээр [хоршоо] (баримт хэлэлцээр) - Тэр гэрээ хэлэлцээрийг хэрхэвч зөвшөөрч үл чадна. А.Дашням. Халхын Сайн ноён хан Намнансүрэн;

---

2. Хоёрын хооронд батлах хүн: гэрээ гэрч [хоршоо] (батлах баримт).