Нарийн урт биетэй, зуны цагт хэд дахин гууждаг, хос богинохон хөл, урт бөөрөнхий сүүлтэй хэвлээр мөлхөж явдаг хуурай газрын амьтан - Могой гурав тасарсан ч гүрвэлийн чинээ. Ж.Дашдорж. Монгол цэцэн үгийн далай., говийн гүрвэл [амьтан] (зүс нь элсний өнгөтэй адил нэг зүйл могой гүрвэл), жив гүрвэл [амьтан] (нисэх мэт хол үсэрдэг нэг зүйл гүрвэл), матарлаг гүрвэл [амьтан] (матартай төстэй, сүүл нь их биеэсээ урт, зоогоороо ногоовтор хүрэн, хажуу боровтор, хэвэл хэсгээрээ шаравтар өнгөтэй, гүрвэлийн төрөлдөө ховорт тооцогддог нэг зүйл амьтан; ердийн гол горхины эргийн модонд авирч чаддаг, шавж, шанаган хорхой, жижиг загас зэргээр хооллодог), луу гүрвэл [амьтан] (нарийхан хавтгайвтар биетэй, урт нарийхан сүүлтэй, модонд амьдардаг нэг зүйл гүрвэл; модонд дүүлэх үед хажуугийн арьсан хуниас нь тэнийж хорин метр хүртэл хол үсэрдэг), могой гүрвэл [амьтан] (нэг зүйл гүрвэл) - Могой гүрвэл дүүрэн орж үхсэн худагнаас үмхий ханхална. С. Эрдэнэ. Үхэж болохгүй орчлон., үлэг гүрвэл [амьтан] (эрт цагт амьдарч байсан ихэвчлэн сээр нуруутан аварга том амьтан) - Шуудай үүрч яваа янхигар том биетэй түүнийг шөнийн харанхуйд холоос харвал эрт галавын үед манай говьд нутаглаж байсан үлэг гүрвэл амилан босоод ирсэн чинээ бараа сүртэй байлаа. Г. Нямаа. Өртөө буюу дэр мод., хонин гүрвэл [амьтан] (Монголын хээрийн бүсийн урд зах, говь цөлд орших, хоншоор богино бөгөөд дугуй, зүс эрээн цоохор, сүүл дээрээ хөндлөн бараан судалтай, шоргоолж голдуу шавжаар хооллодог гүрвэл) - Морины сэлгэж сойн амраах хөлийн хоорондуур нэг хонин гүрвэл шаламгайлж шөвөлзөн гүйсээр Бадралын хормой доогуур давхин орвоос тэрбээр нэлмэгэр хормойгоо сэгсчин босон харайв. С. Пүрэв. Гандиймаа Нутагтаа бий.