1. Араас нь хөөсөн хүн, амьтанд баригдах, дийлдэх: зугтаад гүйцэгдэх (зугтаад баригдах), хөөцөлдөөд гүйцэгдэх (хөөцөлдөөд баригдах) - Тэмээн хөсөг хоцорсон хүнд гүйцэгддэггүй. Г.Дүйнхэржав. Арилшгүй мөр., *үнэнд гүйцэгдэх (үйл явдлын эрхээр учир явдлыг яс махандаа тултал ойлгох);

---

2. Мөхөл доройтолд хүрэх: зовлонд гүйцэгдэх (зовлонд баригдах), үнэнд гүйцэгдэх (худал хуурмаг байдал нь илчлэгдэх) - Гачигдсан ядуу ард өлсгөлөн ховорт гүйцэгддэг. Ардын заргын бичиг., *хэл ам нь гүйцэгдэхгүй (хэл ам ихтэй, хэлэмгий), *идэж уух нь гүйцэгдэхгүй (их юм идэж уудаг гэсэн санаа).