1. Хүн, амьтны түргэвчлэн харайн явах - Түргэн очъё гээд Далай Мижид хоёр гүйх шахам явж суман даргын албаны гэрт оров. П.Хорлоо. Багш., гүйн ирэх (түргэн харайн ирэх) - Эргэн тойронд бараа харагдаж байгаа тосгод бишгүй байгаа боловч бургасны тухай гүйн ирэх хүн алга. Д. Намдаг. Цаг төрийн үймээн., гүйн явах (түргэн түргэн харайн явах), хорхой гүйх (хорхой хурдан явах) - Архичин Дондовын тачигнатал инээснээс цочсон Дэлгэрийн сэтгэл хачин эвгүй болж, нуруу руу нь олон хөлт хорхой гүйх шиг болоод хүйт оргив. Ч. Лхамсүрэн. Буурал өвгөн., уралдан гүйх (уралдах) - Газар дэлхий хүртэл амь орж сургуулийн хашаан дотор нойтон газраар уур дэгдэн тэрүүхэн баруун дэнж дээгүүр зэрэглээ наадах нь олон цагаан зээр уралдан гүйх шиг үзэгдэнэ. Ж. Лхагва. Шөнө ногоо ургадаг., хуц гүйх (хуц хөөх), гүйх харайх [хоршоо] (гүйн үсэрч дүүлэх), гүйх нохойд гүйхгүй нохой саад [зүйр цэцэн үг] (өөрөө ажил хийхгүй атлаа ажиллаж байгаа хүнд саад тээг болох гэсэн санаа), *өөд уруугүй гүйх (ихэд яарч сандран, зүг бүрт гүйх);

---

2. Морь малын ижил буюу нутгаа мөрөөдөж ирэх - Хэт нутагтаа гүйх гэж хэд хоногоос зөгнөөд... Ч.Лхамсүрэн. Хүрэн морь;

---

3. Хөнгөн гавшгай хөдлөх - Хэрэгтэй хэрэггүй юмны төлөө орон гаран гүйгээд байжээ. Ц.Ням-Осор. Юу гэнээ хө;

---

4. Зарцлагдах - Би бусдын өмнө хойно гүйж амиа тэжээж явлаа. С.Удвал. Та бид уулзана;

---

5. Олон дахин ирж очих - Миний хүү, хүргэн чинь болох гэж гүйгээд байгаа биш. Б.Бааст. Алтайн хөх дөнөн.