1. Гурван наснаас дээш агтлаагүй эр адуу, хулан, тахь, луус, илжиг: азарга адуу (нэг азарганы хураах гүү, түүнтэй ижилдэн явах адуун сүрэг, голдуу арваас гуч орчим тооны адуу байна), азарган үрээ (агтлаагүй үрээ), азарганы уралдаан (агтлаагүй их насны морьдын уралдаан), азарга тавих (агтлахгүй үлдээх), азарга гишгэх (азарганы ороо орж гүүн дээр харайх, хээлтүүлэх), хур азарга (а. Азарга тавьсан цагаас биед нь гар хүрээгүй эмнэг азарга; б. Хур дэлтэй азарга), *хөгшин азарга жороо сурах (хөгширсөн хойноо залуумсаг зан байдал гаргах), азарга байдсаа ялгадаг, хүн төрлөө ялгадаг [зүйр цэцэн үг] (хүн удам угсаагаа мэддэг байх ёстой гэсэн санаа);

---

2. Бусдаасаа том биетэй, нас гүйцсэн агтлаагүй г‎эрийн тэжээмэл болон зэрлэг амьтан: азарган нохой (нас гүйцсэн эр нохой), азарган тахиа (агтлаагүй эр тахиа) - Өнөө өглөө азарган тахианы анхны дуугаар сэрж‎ээ. Д.Мягмар. Нийлэх замын уулзварт., азарган чоно (бие гүйцсэн эр чоно) - Азарган чонын улих сонсогдоно. “Цог” сэтгүүл;

---

3. Аливаа юмны том, х‎эт их, ширүүн: азарган бороо (том ширхэгтэй, ус ихтэй, түр зуурын ширүүн салхитай бороо) - Аагим зуны халуунд азарган борооны шаагин оров. Д.Нямаа. Тэмээний нутаг., азарган дээл (сэгсүүргэн дээл), азарган цоор [ургамал] (хээрийн ногоо, иш нь хонгилтой, борлуулж иднэ).