Бусдад юм авах хүслээ илэрхийлэн эрэх хүсэх - Нүдийг нь гүйцэд хараатай болгож өгөөч гэж жанжин танаас гуйх гэж ирлээ. С.Эрдэнэ. Хонгорзул., гуйж авах (хүсэж авах), гуйж хийлгэх (хүсэж хийлгэх), амь гуйх (а. Алах ялаас хэлтрүүлэхийг гуйх; б. Алах амьтны амийг хэлтрүүлэхийг хүсэх), аргадаж гуйх (аргадах) - Түүний зузаан шарангуй царай уурлаж загнах гээд ч байгаа юм шиг, аргадаж гуйх гээд ч байгаа юм шиг нэг л хачин байхад хамрын угалз дээрх том улаан мэнгэ нь чичигнэж байжээ. Д. Норов. Хөх сайрын чулуу., зөвшөөрөл гуйх (зөвшөөрөл хүсэх), өршөөл гуйх (өршөөл хүсэх) - Чид бид хоёр бие биенээсээ бус тэр хүнээс өршөөл гуйх ёстой гэж учирлав. С. Пүрэв. Гурван говийн зэрэглээ., тусламж гуйх (тусламж үзүүлэхийг хүсэх) - Адилхан мөрийтэй тоглосон хойно хэндээ хэлж, хэнээсээ тусламж гуйх билээ. Ц. Доржготов. Цоорхой тоорцог., хоол гуйх (а. Бусдаас хоол хүсэх; б. [шилжсэн] Гутлын ул ханзрах), улиглан гуйх (олон дахин шавдуулан хүсэх), шалж гуйх (шалах), чөлөө гуйх (чөлөө хүсэх), гуйх гувших [хоршоо] (ичгүүргүй улиглан гуйх), гуйх түүх [хоршоо] (энд тэндээс хайх, хүн хүнээс гуйх, эрэх), гуйх шалгаах [хоршоо] (хүсэж магадлах).
--oOo--