1. Ямар нэгэн юмыг бүтээх, боловсруулах, арвитгах, сайжруулахаар мэдлэг чадвараа дайчлах, биеийн болон оюуны хөдөлмөр ‎эрхлэх: ажиллах боломж (ажил хийх нөхцөл боломж), ажиллах хүч (ажил хийх чадвартай хүмүүс), ажиллах чадвар (ажил хийх чадвар), хамт ажиллах (хэн нэгэнтэй хамтран ажил хийх) - Та энэ залуутай хамт ажиллах болно шүү. С.Лочин. Сэтгэлийн өнгө;

---

2. Янз бүрийн машин, механизм хэвийн горимоор үйл ажилд орох: машин ажиллах (машин хөдлөх), мотор ажиллах (мотор асах);

---

3. Үйлдвэр, албан газар, байгууллага үүргээ гүйцэтгэх, олон нийтэд үйлчлэх: дэлгүүр ажиллах (дэлгүүр онгойх), номын сан ажиллах (номын сан нээлттэй байх), эмнэлэг ажиллах (эмнэлэг үзлэг эмчилгээгээ явуулах);

---

4. Тухайн байгууллагын орон тоонд багтах; сургуульд ажиллах (сургуулийн газар ажил хийх), үйлдвэрт ажиллах (ямар нэгэн үйлдвэрийн газар ажил хийх);

---

5. Өгөх оршихын тийн ялгалаар хэлбэржсэн үгийг захирч, ажил гүйцэтгэх орон байрыг заана; аймагт ажиллах (аймгийн төвд ямар нэг ажил хийх), суманд ажиллах (суманд ажил хийх);

---

6. Ямар нэг зохиол бүтээл туурвих, сурах судлах; зохиол дээр ажиллах (а. Зохиол туурвих; б. Зохиолоо улам сайн болгохоор мэрийх), номон дээр ажиллах (а. Ном бүтээх, судлах; б. Номыг илүү сайн болгохоор чармайх); ажиллавал бүтдэг, ажиглавал үздэг [зүйр цэцэн үг] (шургуу хөдөлмөрлөвөл зорьсондоо хүрнэ гэсэн санаа), ажиллаж байж баяждаг, алжуурч байж үгүйрдэг [зүйр цэцэн үг] (ажил хөдөлмөр амжилтын үндэс гэсэн санаа);

---

7. Хэн нэгэнд зүтгэх, үйлчлэх: эсрэг талд ажиллах (эсрэг талын хүмүүст хүчин зүтгэх);

---

8. Хамтран бэлтгэл сургуулилт хийх, давтан хичээллэх: дасгалжуулагч тамирчинтайгаа ажиллах (дасгалжуулагч тамирчныхаа бэлтгэл сургуулилтыг хангах, дасгалжуулах);

---

9. [шилжсэн] Хүний сонор сэрэмжгүй, гэнэн итгэмтгий занг ашиглан эд зүйлийг нь худал хэлэн авах, хуурах, луйвар хийх;

---

10. [шилжс‎‎эн] Мал гаргах, мал төхөөрөх.