Мал, амьтны дөрвөн хөлийн шилбэний арьс: годон гутал (шилбэний арьсаар хийсэн гутал) - Миний үгэнд итгэсэн Жэнэмээ царай зүс засраад хэрмэн хамжаартай цаны арьсан дээл, эрээн түрийтэй годон гутал өмсөөд түүдгийн гэрэлд биелгээ хийж байсан сан. С. Эрдэнэ. Анчны гэргий., годон малгай (арьсны годоор хийсэн малгай) - Батбаярын сэтгэлд нэг хар годон малгай бодогдоно. Ж. Пүрэв. Аянга., арьсны год (шилбэний арьс), нэхийн год (нэхийний шилбэний хэсэг), ширний год (ширний шилбэний хэсэг) - Манай үйлдвэрт ийм ширний год даахгүй хүүхдүүд олон болбол яана даа. Г.Жамъян. Гал атгасан гар.