1. Алгуур, удаан, яаралгүй, тайван: аажим алхах (яаралгүй алхах), аажим гэлдрэх (алгуур удаан явах), аажим тааваар [хоршоо] (яаралгүй тайван, өөрийн дураар), аажим хөдлөх (а. Удаан хөдлөх; б. Явах хараахан болоогүй), аажим явах (удаан явах) - Аажим сайхан явдлаар, арван бээрийг өнгөрөөд... Ногоон дарь эхийн тууж., аажимдаа нарийсах (алгуур нарийн болох) - Өгсөх тутам цалгай зам аажимдаа нарийсав. Б.Бааст. Алтайн хөх дөнөн., аажмаар солих (яваандаа солих), аажмаар сулрах (алгуур сулрах) - Хүйтэн цагийн хүнд байдал аажмаар сулрахад, хөлдүү байшингийн ёроолыг сахигч мунхгийн сэтгэл хөдөлнө. Д.Цэвэгмид. Зохиолын түүвэр., аажмаар хийх (яаралгүй тайван хийх), аажим аажмаар [хоршоо] (алгуур удаан), алгуур аажим [хоршоо] (тайван удаан), аажим уужим [хоршоо] (яаралгүй тайван);

---

2. Дуу авианы хэмнэл зөөлөн, намдуу: дуугаа аажим болгох (дуугаа намсгах, аяар болгох)；

---

3. Яваандаа, сүүлд дараа - Таны туслалцаа аажимдаа хэрэгтэй. Д.Намдаг. Ээдрээ; аажимдаа бүтэх (яваандаа болох).