Тал, ойт хээрийн нууруудад нутагладаг, гагуйсан урт хүзүүтэй, хавтгай хамшгар урт хошуутай, хөөвөр өд сайтай, нугасныхан овог, галуу төрөлд хамаарах усны, нүүдлийн шувуу - Галуу ганц дуугарвал ган тайлагддаг, хэрээ хэд дуугарвал боохой ирдэг. ААЗ., галуу үржүүлэх (галуу өсгөх), ангир галуу [хоршоо] (усны шувууд) - Ангир галуу мэт цэнгэе. Чингисийн есөн өрлөгтэй өнчин хөвгүүний цэцэлсэн шастир., хун галуу [хоршоо] (хун, галуу зэрэг үзэсгэлэнтэй шувуу) - Тэрх цагаан нуурын хун галуу биднийг угтах мэт ганганалдав. С.Эрдэнэ. Малын хөлийн тоос., *галуу дуурайж хэрээ хөлөө хөлдөөх (өөрт ахадсан, зохисгүй юм дуурайж хохирох), *галуун хүзүүт (өндөр нарийн хоолойтой шил, ваараар хийсэн сав, голдуу архи дарс хийнэ) - Хүүхнээр дахин хэд дуу дуулуулж галуун хүзүүт хэдийг шавхав. С.Эрдэнэ. Малын хөлийн тоос., галуу явбал дуугаа, хүн явбал нэрээ [зүйр цэцэн үг] (хэзээ, хаана ч явсан нэр төрөө хичээж хамгаалж явах нь чухал гэсэн санаа), бор галуу [амьтан] (зэрлэг галууны нэг зүйл), хярууч галуу [амьтан] (зэрлэг галуу), чүй галуу [амьтан] (нэг зүйл хар толгойт галуу), галуун идээр [ургамал] (нуга, элсэн товцог, гуу жалгын хөвөө ирмэгээр ургадаг олон наст өвс), галуун таваг [ургамал] (шувууны таваг мэт хэлбэр бүхий навчтай, хорин сантиметр орчим өндөр, ишийн бүдүүн нь дэрсний хэр, говирхог газар ургадаг шарилжны төрлийн дэрсэрхүү өвс, тасархай галуун таваг гэж бас нэг зүйл ургамал бий).